آنـا رقـيـــة طفـلتــك بـويـــه سبــونـي عشت بدلال وتالي بالغربة اضربوني مو همي بسياط انضـرب ويعذبّـونـي كل همي تبقى بويه جنبي ويتركونـي ما أقوى بويه اعلى السبي انظر لحالي أذكــر ليالـي الـ تـقـعــد بنـورك اقبالــي في اقسى لحظات العمـر تاخـذ خيالـي وأستوعبـك مو قربي أذرف دمعي تالـي چنت بمحبتَـك بويـه تحضنـي وتلمنـي واليوم اشوف بحضني راسك يذبّحني والطاغيـه بحقـده يجي وياخـذك مـني صعبــه يـ غـالـي تبـتـعــد وتروح عنـي

هل شعبان في يوم لـ وصل نبراس صار الكون تايه في الشبل عبـاس عجيبــه تـنـولــد لـشهــور للعـبــاس شعبــان انـولــد اتصّوروا يـا نـاس

عـلـي منهــج وعـنــه لا يمكــن نحيــد عـلـي مـوسـوعــة عِـلِــم مـا تـنـطــوي عـلـي حكمـة وگـوله معـروفــه سـديـد عـلـي من يظهــر يـشـع نـوره ضـّوي عـلـي فايـروس ينتشـر عـبـر الـوريـد عـلـي لـوحـة (فن-عشق) وش تحتوي! عـلـي أسـمــه دايــم أقــراه وأعــيـــد عـلـي كـلـمــة من معـانـيـهــا أرتــوي عـلـي طِلبـه وگلـه وش تهـوى وتـريــد عـلـي مـتـمـنــع يـّـرد حـتـى الـغــوي عـلـي حـبــه يجعــلك روعــة وسعـيــد عـلـي بـالــشــدة إلــك مـا تـكــتـــوي عـلـي هِمَـه أقـوى من صـك الحـديـد وانتــه يال من دونــه گلـي شتستـوي؟ متباركين أحبتي بمولد وليد الكعبة أمير المؤمنين عليه أفضل الصلوات والسلام

صعـب نتـماسـك بهالـدنـيــا من دون حـنـان الأم سهرهـا اعلينـا والخــوف صعـب مـن هالبشــر انطالـب بعــون إذا نطلــب من الأم كل شـي انشـوف أظـن كـعبــة وإليهــا نمشـي بجنـون ويصيـر بحبنــا ليهــا ننــوي انطــوف في باطنهـا العطـف بالفطـرة مدفـون وطـن هـيـه وشعبهــا بجــوده معــروف رحـيمـه شقـد رحـيمـه سرها مكـنـون تعـب منهـا الصبر في أعـتى لِظـروف يظـل عاجـز خـيالـي بحقهـا مرهـون صعـب يوصفهـا شاعـر تبـدد وّصوف يـ رب أحـفظهـا والله بحبهـا مـفتـون عظيمــة و في هواهـا ضاعت حـروف تحتَ قدميكِ جناتِ اللهم لا ترني فيها سوء . يوسـف الجـفيـري ٢١ مارس ٢٠١٤.

أكيــد الدنيــا حـلـوه لمـن اتكــون في يديـن الـ يحبنـي ويفهـم إحساسـي يملينـي بأمـل يرسـل لـي مفـتـون يترجـانـي إهمـس! وأسمــع أنفـاسـي لو لحـظـة بـذر منــي العـتـب دون أي چلمــة يسامحـنـي مَـ هـو گاسـي من أمشـي سـرع لا والله مـ يهـون لا تبعــد يـ عـينـي أضـرب أخمـاسـي يكشف لي الأمـل من نظـرة اعيـون فصـل لي المحبــة فـت على قياسـي يعـرفنـي بشعـوره يملــي الكــون طِيبـه وهـم مـودة فـوق عـل راســي أتمـايـل في شـوفــه والله مزيــون ألقـاه في هواجـس قلبــي الألماسـي مساء الشوق يوسـف الجفيـري 29 أكتوبر 2013.

البـاري يرحم من لفى وقصـده يتـوب ~• ورحمـته ماليهـا اي مقيـاس او حـد الله بعبـاده يغـفـر ويمحـي الـذنـوب ~• بـس تـكـون الهـمـه للتـوبــة أجـد خيـره سابـق بالكـرم وشقــد تـذوب؟ ~• أنـسـج أعمـالـك ولا تمـهـل بعــد لا تكـرر فـي الغلـط وتكـثـر عيــوب ~• يستـر الجـبـار ومـا يفـضـح أحــد والعـمـر يجـري وراك ابـكـل دروب ~• وأنتـه بأخطائـك وناسـي المعتـقـد أحتـرف في مكسـب الأجـر المثـوب ~• لا تـسـاوم بـيـه لـو طـالــك بــدد أعمـل إخلـص لا تكـل خـلـك عـذوب ~• وأجعـل أتعـابـك إلـى الله الصمــد مساء الخير أحبتي جمعة مليئة بالغفران يوسـف الجـفيـري 12 يوليو 2013.

شهـر الله وصـل وصـدره مفتـوح ~• وش يسـوى العمـر من دون أعمـال؟ ضمـه ابلهفـه غرد واسـرد وبـوح ~• لا تبطـي أبـد ،، وسيـر في الـحـال أسـرع وأجتهـد وخل ليلـك صبـوح ~• مـ يفـيـد الـنـدم لا رُتـبــة لا مــال أزرع وردك وخـل عـطـرك ايفـوح ~• وأذكـر ربــك ،، وريــح لـك الـبــال مساء الأجواء الرمضانية كل عام وأنتم بكل خير يوسـف الجـفيـري 10 يوليو 2013.

هـلا ابمسـك الجِـنان وأغلـى محبـوب ~• هـلا ابنجـم العطـاء وأروع إنسـان يا بو اليـمـه رجيتـك قلـبـي مصـيوب ~• سهـم حبـك نبش لي وخله نيشـان رسمتـك وردة صـار الـورِد مـطلـوب ~• تجيـك النـاس والله بأصـدق إيمـان أنـطـرك مـا امـِـل وصـبـري أيــوب ~• تنادي بأسمي عندك يابو الإحسـان أحـبـك بو علـي ولو حـبي مـعـيـوب ~• أو لو رايـد عـيونـي هـم بلمـكـان تظـل روحـي ابهـواك اتعـانـي وتذوب ~• مثل شمع الـ يجوب بنوره لأوطـان

موالـي الـ حــيـدر ومـا ظــن أعـوفــه ~• ولا تعوفــه القوافـي لحظـة والأشعـار مـوالـي من الـمهــد يعجبنـي جوفــه ~• وطـيـفـــه مـابـعـــد دايـــم بالأفـكــــار

أظـن الكـون يحـلى ويطلـع أجـمـل وأظـن الهِــلال شكلـه الليلـة يكـمـل تحـيـر خــاطــري وظـــل يـتِــأمـــل! وصـل مولــد يقـينـي بهـالـمسيــــة مولاي روحي لكمُ الـفــــداء !!! السلامُ عليكَ ياباقر العلوم يوســف الجـفـيـري 11 مايو 2013 .